काठमाडौं । नेपाली कांग्रेसका महामन्त्री गगन थापाले आफूहरुले अहिले गृहमन्त्रीको राजीनामा नभई संसदीय समिति गठनको माग गरेको स्पष्ट पारेका छन् ।

आइतबार सामाजिक संजालमार्फत भिडियो सन्देश जारी गरी महामन्त्री थापाले दर्जनौं सहकारी संस्थामा लाखौं मानिसको डिपोजिट रहेको र उनीहरु अहिले सडकमा आइपुगेका भन्दै उनीहरुका समस्या पनि समितिले सुन्नुपर्ने भएकाले संसदीय समितिको माग गरेका हुन् ।

उनले संसदीय छानबिन समिति बनाउने कुरामा नबिराउनेले डराउनु नपर्ने बताए । महामन्त्री थापाले भनेका छन्, ‘छानबिन समिति बनाउनुपर्ने कुरामा आपत्ति किन छ ? हामीले गृहमन्त्रीको राजीनामा मागेका होइनौँ, संसदीय छानबिन समिति बनाउन माग गरेका हौँ । अहिले राजीनामा दिनुपर्दैन, विष्णु पौडेल वा जनार्दन शर्माको छानबिन गरेजस्तो पनि होइन । मनमा पाप छैन भने डराउनुपर्दैन ।’

उनले छानबिन समितिमा कांग्रेस, एमाले, रास्वपालगायत सबै दलका प्रतिनिधि रहने बताउँदै यसमा आपत्ति जनाउन नपर्ने बताएका छन् ।

https://www.facebook.com/plugins/video.php?height=420&href=https%3A%2F%2Fwww.facebook.com%2Fthapagk%2Fvideos%2F2287987208058285%2F&show_text=false&width=560&t=0