काठमाडौं । पूर्वसभामुख दमननाथ ढुंगानाको निधन भएको छ । ढुंगानाको उपचारका क्रममा आइतबार दिउँसो निधन भएको उनका भाञ्जा सुरज भट्टराईले जानकारी दिए ।

ढुंगाना २०४८ सालदेखि २०५१ सम्म सभामुख भएका थिए । उनी वरिष्ठ अधिवक्तासमेत हुन् । ढुंगानाले तत्कालीन विद्रोही माओवादीलाई शान्ति प्रक्रियामा ल्याउन महत्वपूर्ण भूमिका पनि खेलेका थिए ।

उनी २०७४ को आमनिर्वाचनमा भक्तपुर क्षेत्र नम्बर २ बाट कांग्रेसको उम्मेदवार भई पराजित भएका थिए।