काठमाडौं । नेकपा एमालेका महासचिव शंकर पोखरेलले अरूलाई दोष दिनुभन्दा गल्तीबाट पाठ सिक्नु पर्ने महसुस गरेका छन् । जेनजी युवाको आन्दोलनपछि सत्ता खोसिएर अहिले फुर्सदमा रहेका उनले डा. भेषबहादुर थापाको ‘राष्ट्र–परराष्ट्र’ पुस्तक पढेपछि गल्ती स्वीकार गरेका हुन् ।

थापाको भनाइ उद्धृत गर्दै उनले भनेका छन्, ‘भूतकालमा धेरै भूलहरू भएका हुन सक्छन् । त्यसैलाई केलाउँदै कसैलाई दोषी देखाइरहनु भन्दा त्यसबाट पाठ सिक्नु पर्छ । बुद्धिमान व्यक्ति अरूको भूलबाट सिक्छन्, मध्यम खालका भने आफै भूल गरेपछि मात्र सिक्छन् । अनि आफ्नै भूलबाट नसिक्ने मूर्ख मानिन्छन् ।’

एमाले महासचिव पोखरेलले कामको लामो अनुभव सँगालेका थापाको उक्त विचार अहिलेको सन्दर्भमा निकै सान्दर्भिक लागेको उल्लेख गरेका छन् । प्रधानमन्त्री सुशीला कोइरालाले तीन मन्त्री चयन गरेको दिन आइतबार राति एमाले महासचिव पोखरेलले यस्तो स्टाटस लेखेका हुन् ।

जेनजी आन्दोलनका कारण एमाले अध्यक्ष केपी शर्मा ओलीको सरकार ढलेपछि अन्तरिम सरकार प्रमुख बनेकी पूर्व प्रधानन्यायाधीश (गैरसांसद) सुशीला कार्की प्रधानमन्त्री बनेकी छन् । मन्त्रीहरू पनि धमाधम गैरसांसद बन्ने देखिएको छ । अर्थात राजनीतिक दल निषेध देखिएको छ ।