काठमाडौं । नेकपा एमालेका महासचिव शंकर पोखरेलले वर्तमान सरकारले मुलुकलाई चुनावतर्फ नभई संकटतर्फ धकेलिरहेको आरोप लगाएका छन् । नेपाल खेलकुद महासंघको केन्द्रीय कमिटीको बैठकलाई बिहीबार सम्बोधन गर्दै पोखरेलले लोकप्रिय नेताहरूलाई निष्क्रिय पार्ने र संविधानविपरीतका कदम चालेर सरकारले देशलाई अस्थिरतातर्फ लैजाने प्रयास गरिरहेको बताए ।

‘लोकप्रिय पार्टीका नेतालाई स्थान हद गरेर चुनाव हुने होइन, मुलुकमा संकट निम्तिन्छ,’ उनले भने, ‘यो सरकार देशलाई चुनावको बाटो होइन, संकटको खाल्डोमा धकेल्दै छ ।’ महासचिव पोखरेलले देशको अहिलेको संकट समाधान गर्ने एकमात्र उपाय प्रतिनिधि सभाको पुनस्र्थापना भएको बताए । उनका अनुसार पुनस्र्थापित संसद्ले संविधानलाई सही बाटोमा ल्याउँदै युवाहरूका माग सम्बोधन गर्न सक्नेछ ।