काठमाडौं । नेकपा एमालेका नेता महेश बस्नेतले अध्यक्ष केपी शर्मा ओलीका लागि निर्माण हुन लागेको ‘ओली कुटी’ बारे भइरहेको टिप्पणीप्रति आपत्ति जनाएका छन् । बस्नेतकै पहलमा नयाँ घर निर्माण गर्न लागिएको तर त्यसलाई कुटी नामाकरण गरेर भव्य बंगाला बनाउन लागिएको भन्दै भइरहेको आलोचनाप्रति बस्नेतले टाउको नदुखाउन भनेका हुन् ।

उनले सामाजिक सञ्जाल फेसबुकमा लेखेका छन्, ‘केपी ओली जोगी होइनन्, एमाले नेपालकै ठूलो र सक्षम राजनीतिक शक्ति हो । उहाँ त्यसको अध्यक्ष हो । केपी ओलीका लागि २–३ कोठाको घर बनाइन्छ भन्ने कुरा ‘अपेक्षा’ हो भने अव्यावहारिक छ र ‘ब्यङग्य हो भने—ब्यङग्य गर्नेहरूको घर, बसाइ र जीवनशैली सबैले देखेकै छौँ । त्यसैले कृपया टाउको नदुखाउनुहोस् । कुटी वा आश्रम जे भने पनि त्यो नामाकरण मात्रै भएको त्यसलाई व्यंग्य गर्न नहुने टिप्पणी गरेका छन् ।

‘उनले थप लेखेका छन् । कुटी भन्नुस वा ‘आश्रम’ यी त नामाङ्कन मात्रै हुन् । हिजो नेकपा फुटाएर एमाले सके भनेर केपी ओली ‘बार्दली गए’ भनेर व्यंग्य गर्नेहरूलाई केपी ओलीले बार्दलीमै बसेर नेपालको राजनीति नियन्त्रण र सन्तुलन निर्धारण गर्ने व्यक्ति उहाँ नै हो । आज फेरि ‘राजनीतिबाट कुटी पुगे’ भनेहरूले बुझ्नु पर्ने कुरा यस्तो छ । जेनजी आन्दोलनपछि ओलीको भक्तपुरको बालकोटस्थित निजी निवास क्षति भएपछि भक्तपुरकै गुण्डुमा ओलीका लागि ‘ओली कुटी’ निर्माण गर्न लागिएको छ । उक्त कुटीको शिलान्यास ओली पत्नी राधिका शाक्यले बिहीबार मात्रै गरेकी थिइन् ।