काठमाडौं । नेकपा एमालेका वरिष्ठ उपाध्यक्ष ईश्वर पोखरेलले पछिल्लो समय पार्टी नेतृत्वको कार्यसम्पादन शैली त्रुटीपूर्ण हुँदै गइरहेको टिप्पणी गरेका छन् । आज (बुधबार) पत्रकारहरूसँग अन्तरक्रिया गर्दै उनले राष्ट्रिय महाधिवेशन विचार र नेतृत्वबारे फैसला गर्ने थलोको रूपमा लिनुपर्ने बताएका छन् ।

उनले भने, ‘महाधिवेशनमा प्यानल बनाउने–नबनाउने भन्ने कुरा होइन, उम्मेदवारी दिने कुनै झोंक–झोंकमा गरेको पनि होइन । हामीले पार्टीको बैठकमा औपचारिक रूपमा जानकारी गराएका हो । हामी कुनै अस्वाभाविक र अचानक ढङ्गले प्रस्तुत भएको होइन, अवधारणाबारे अध्यक्षसँग औपचारिक कुरा गरेर पार्टी केन्द्रीय कार्यालयमा दर्ता गराएको हो ।’