काठमाडौं । नेकपा (एमाले)का अध्यक्ष केपी शर्मा ओलीले स्वीच थिचेर एघारौं महाधिवेशन उद्घाटन गरेका छन् । ओलीले स्वीच थिचेपछि दोस्रो विधान महाधिववेशनले पारित गरेबमोजिमको रातो पृष्ठभूमिमा सुनौलो हसियाँ हथौथा सहितको सुन्दर झण्डा माथि पुगेर फरफराएको छ ।

नेता तथा कार्यकर्ताले ताली बजाएर स्वागत गरेका छन् । यससँगै एमालेको एघारौँ महाधिवेशन औपचारिक रुपमा सुरुवात भएको छ । कार्यक्रम सञ्चालक उपमहासचिव प्रदीप ज्ञवालीले सबैलाई गडगडाहट ताली बजाएर हर्षाैउल्लास मनाउन आग्रह गरेका थिए । त्यससँगै उद्घाटन स्थलमा उपस्थित हजारौँ एमालेका कार्यकर्ताले ताली बजाएका थिए ।