काठमाडौं । नेकपा एमालेको ११औं राष्ट्रिय महाधिवेशनको बन्द सत्र पुनः सारिएको छ । बिहानै सुरु गर्ने तयारी रहेको बन्दसत्र पहिला सवा १२ बजेसम्म र त्यसपछि दिउँसो १ बजेसम्मका लागि सारिएको हो । भक्तपुरको सल्लाघारीमा शनिबार भव्य उद्घाटन भएको महाधिवेशनको बन्द सत्र काठमाडौंको भृकुटीमण्डपमा जारी छ ।

बन्द सत्र सारिए पनि प्रतिनिधिहरू बिहानैदेखि भृकुटीमण्डपमा पुगिसकेका छन् । उनीहरूले राजनीतिक दस्तावेजहरूको अध्ययन र प्रचारप्रसारमा व्यस्त रहेका छन् । महाधिवेशनले पार्टीको नयाँ नेतृत्व चयन गर्नुका साथै आगामी रणनीति र नीतिहरू निर्धारण गर्ने अपेक्षा गरिएको छ । बन्दसत्रमा अध्यक्ष केपी शर्मा ओलीले राजनीतिक प्रतिवेदन पेस गर्ने कार्यक्रम रहेको छ ।