काठमाडौं । नेकपा एमालेका उपमहासचिव प्रदीप ज्ञवालीले उपाध्यक्षमा उम्मेदवारी मनोनयन गर्न अस्वीकार गरेका छन् । अध्यक्ष केपी शर्मा ओलीको टिमबाट महासचिवमा दावी गरेका ज्ञवालीलाई उपाध्यक्ष बनाइएपछि असन्तुष्ट थिए ।

अन्ततः ज्ञवालीले केन्द्रीय सदस्यमा उम्मेदवारी दिएका छन् । यसले अध्यक्ष ओलीको टीममा खैलाबैला मच्चाएको छ । ज्ञवालीको उम्मेदवारी केन्द्रीय सदस्यका लागि मात्र परेको निर्वाचन आयोग स्रोतले जानकारी दियो । संस्थापन प्यानलबाट शंकर पोखरेल महासचिवका लागि प्रतिष्पर्धामा छन् । इतर पक्षले सुरेन्द्र पाण्डेलाई महासचिवमा अगाडि सारेको छ ।