काठमाडौं । कागती केवल खट्टो स्वाद र ताजगी दिने फल मात्र होइन, विटामिन भरिएको प्राकृतिक स्वास्थ्यबर्धक स्रोत हो । 

कागतीमा सबैभन्दा धेरै पाइने प्रमुख पोषक तत्व भनेको भिटामिन ‘सी’ (एस्कार्बिक एसिड) हो, जसको मात्रा एक मध्यम आकारको नींबूमा लगभग ३०-४० मिलिग्राम हुन्छ। यसले शरीरलाई दैनिक आवश्यक पर्ने भिटामिन ‘सी’ को ४०-५० प्रतिशतसम्म पूर्ति गर्ने क्षमता राख्छ। पानीमा घुल्ने भिटामिन भएकाले शरीरले यसलाई भण्डारण गर्न सक्दैन, त्यसैले दैनिक रूपमा यसको सेवन अत्यावश्यक हुन्छ। 

भिटामिन सीले शरीरको रोग प्रतिरोधक क्षमता बढाउने, फ्री-रेडिकलसँग लडेर कोशिलालाई सुरक्षित राख्ने, छालामा चमक ल्याउने, उमेरसँगै देखिने परिवर्तन कम गर्ने जस्ता महत्वपूर्ण भूमिका खेल्छ। साथै, यो घाउ छिटो निको पार्न र छाला, हड्डी तथा मसूडा मजबुत बनाउन आवश्यक पर्ने कोलेजन उत्पादनमा सहयोग गर्छ।

कागतीमा पाइने भिटामिन बी-६ , पोटाशियम, फाइबर (पेक्टिन) तथा फ्लाभोनोइड्स जस्ता तत्वहरूले पनि शरीरलाई थप फाइदा पुर्‍याउँछन्। यी तत्वहरूले पाचन सुधार्ने, मुटुको स्वास्थ्य मजबुत बनाउने तथा शरीरमा सूजन कम गर्न मद्दत गर्छन्। बिहान पानीमा १ वा २ दाना कागती मिसाएर पिउँदा शरीरबाट टक्सिन निस्किन मद्दत हुन्छ र मेटाबोलिज्म तेज हुन्छ। खानामा कागती निचोरेर खाँदा पाचन सुधारिनुका साथै स्वाद पनि बढ्छ। छालाको चमक कायम राख्न पनि कागती प्रभावकारी मानिन्छ।

यद्यपि कागती खाँदा गर्दा केही कुरामा सावधानी अपनाउन आवश्यक हुन्छ। धेरै मात्रामा वा खाली पेट सिधै कागतीको रस पिउनुले दाँतको इनामेल कमजोर पार्न सक्छ, त्यसैले पानीमा मिसाएर पिउनु उत्तम हुन्छ।  एसिडिटी भएका व्यक्तिले कागतीको सीमित मात्रामा मात्र सेवन गर्नुपर्छ। 

कागती एक सरल, सस्तो र अत्यन्तै फाइदाजनक फल हो, जसको नियमित तथा संतुलित सेवनले इम्युन सिस्टम, छाला, पाचन शक्ति र सम्पूर्ण स्वास्थ्यका लागि ठूलो फाइदा पुर्‍याउँछ।