काठमाडौँ । सर्वोच्च अदालतका न्यायाधीश डा. मनोज शर्मालाई प्रधानन्यायाधीशमा सिफारिस गरिएको छ। बिहीबार बसेको न्यायपरिषद्को बैठकले उनलाई प्रस्तावित प्रधानन्यायाधीशका रूपमा अघि सारेको हो।

नेपालको न्यायिक इतिहासमा पहिलो पटक वरिष्ठतम् न्यायाधीशलाई छाडेर रोलक्रममा चौथो नम्बरमा रहेका न्यायाधीश प्रधानन्यायाधीशमा सिफारिस भएका छन्। संसदीय सुनुवाइ समितिबाट अनुमोदन पाएमा शर्मा देशका ३३औँ प्रधानन्यायाधीश बन्नेछन्।

डॉ. शर्मा २०७६ वैशाख ६ गते सर्वोच्च अदालतका न्यायाधीशमा नियुक्त भएका थिए। संसदीय सुनुवाइमा स्वीकृति पाएपछि उनले पुरै ६ वर्षको कार्यकाल प्रधानन्यायाधीशका रूपमा पूरा गर्न सक्नेछन्।

कामु प्रधानन्यायाधीश सपना प्रधान मल्ल, तथा वरिष्ठतम् न्यायाधीश कुमार रेग्मी र हरि फुयाललाई पछि पार्दै संवैधानिक परिषद्ले शर्मालाई सिफारिस गरेको हो।