काठमाडौं । भोटेकोशी र त्रिशूली नदीमा आएको विनाशकारी बाढीमा ज्यान गुमाएकाहरूको चिरशान्तिको कामना गर्दै जय नेपाल पार्टीनिकट नेपाल युवा संगठनले कमलादी गणेशस्थानमा दीप प्रज्ज्वलन गरेको छ।

पार्टी सभापति डा. धवलशम्शेर राणाको उपस्थितिमा भएको कार्यक्रममा दिवंगतप्रति श्रद्धाञ्जली, घाइतेको शीघ्र स्वास्थ्यलाभ तथा बेपत्ताको सकुशल उद्धारको कामना गरिएको थियो। कार्यक्रममा एक मिनेट मौनधारणसमेत गरिएको थियो।

नेपाल युवा संगठनका सभापति निराजन बमका अनुसार गत वर्ष भदौ २३ र २४ गतेको जेनजी आन्दोलनमा ज्यान गुमाएका वीर शहीदहरूप्रति पनि श्रद्धाञ्जली अर्पण गरिएको थियो।

यसैबीच, नवलपुरमा जय नेपाल पार्टीका स्थानीय नेता–कार्यकर्ताले पनि सोमबार साँझ बाढीमा ज्यान गुमाएकाको सम्झनामा दीप प्रज्ज्वलन गरेका छन्।