काठमाडौं ।सिन्धुपाल्चोकको मेलम्ची नगरपालिका-१० मा अँधेरी खोलामा आएको बाढिले स्कुटर सहित मानिस बगाएको छ।

बुधवार साँझ मेलम्चीबाट रामपुरतर्फ जाँदै गरेकी मेलम्ची नगरपालिका-१० रामपुरकी २३ वर्षिया सरिता दाहाल (अधिकारी)ले चलाएको बा ४५ प ६९८१ नम्बरको स्कुटर अँधेरी खोलामा आएको बाढीले बगाएको हो ।

घटनाको जानकारी पाएपछि इलाका प्रहरी कार्यालय मेलम्चीबाट प्रहरी निरीक्षक योगेश खरेलको नेतृत्वमा टोली घटनास्थलमा पुगेको थियो। 

प्रहरीले बाढिले बगाएकी दाहाल र स्कुटरलाई सकुशल उद्धार गरेको हो।

त्यस्तै,उद्धारपछि दाहाललाई तत्काल उपचारकालागि नगर अस्पताल मेलम्ची पठाइएको प्रहरीले जानकारी गराएको छ।