काठमाडौं / नेपाल फर्कने तयारीमा रहेको नेपाल वायुसेवा निगमको जहाज मलेसियामा ग्राउन्डेड भएको छ ।

चालकदललाई आवश्यक पर्ने अक्सिजन नभएपछि जहाज मलेसियामै ग्राउन्डेड भएको हो ।

निगमको न्यारोबडी विमान मलेसियाको क्वालालमपुरअन्तर्राष्ट्रिय विमानस्थलमा ६ घण्टादेखि रोकिएको छ । जहाज ग्राउन्डेड भएपछि उक्त विमानबाट नेपाल फर्किन लागेका १ सय ५२ यात्रु विमानस्थलमा अलपत्र परेका छन् ।