भैरहवा । जजिरा एयरलाइन्सले भैरहवास्थित गौतमबुद्ध अन्तर्राष्ट्रिय विमानस्थल पुनः उडान शुरू गरेको छ । डेढ वर्षको अन्तरालमा जजिराले पुनः भैरहवा–कुवेत उडान शुरू गरेको हो ।

विमानस्थल उद्घाटनलगतै उडान शुरू गरेको एयरलाइन्सले विभिन्न कारण देखाउँदै एक वर्षअघि रोकेको थियो । विमानस्थलका प्रवक्ता दीपक बज्रचार्यले शनिबार बिहान जजिरा भैरहवा अवतरण भएको जानकारी दिए ।

जजिराले हाप्ताको तीन दिन मंगलबार, बिहीबार र शनिबार नियमित उडान गर्ने छ । शनिबारदेखि फ्लाई दुबईले पनि भैरहवाबाट नियमति उडान गर्दै छ । त्यस्तै नेपाल एयरलाइन्सको पनि काठमाडौं, भैरहवा हुँदै दुबई जाने उडान तालिका छ ।