काठमाडौं । मेडिकल व्यवसायी दुर्गा प्रसाईं पक्राउ परेका छन् । उनलाई नेपाल प्रहरीको केन्द्रीय अनुसन्धान ब्यूरो(सीआईबी)को टोलीले मंगलबार भक्तपुरस्थित निवासबाट पक्राउ गरेको एसपी होबिन्द्र बोगटीले जानकारी दिए ।

प्रसाईंले सोमबार पत्रकार सम्मेलन कम्बोडियाको टेलिकममा प्रधानमन्त्री केपी शर्मा ओलीको साढे ३२ अर्ब लगानी रहेको भन्दै अपत्यारिला कागजात सार्वजनिक गरेका थिए ।

प्रसाईंले केही समयदेखि प्रधानमन्त्री ओलीविरुद्ध विभिन्न आरोप लगाउँदै आएका छन् । दसैंअघि पनि प्रसाईं साइबर अपराधको अभियोगमा पक्राउ परी धरौटीका छुटेका थिए ।