काठमाडौँ । ग्रामीण पर्यटन प्रवर्द्धन गर्ने उद्देश्यले ‘अतिथि सत्कार तथा प्राथमिक उपचारसम्बन्धी एकीकृत तालिम’ आयोजना गरिएको छ ।

मधेस प्रदेशअन्तर्गत पर्सा जिल्लाको ठोरी गाउँपालिकामा सो तालिम आयोजना गरिएको हो । नेपाल पर्यटन बोर्ड र संयुक्त राष्ट्रसङ्घीय विकास कार्यक्रमको संयुक्त सहकार्यमा सञ्चालित दिगो पर्यटन परियोजना (एसटीपी) को सहयोग तथा गाउँ पर्यटन प्रवर्द्धन मञ्च नेपालको संयुक्त आयोजनामा तीन दिनसम्म सञ्चालन तालिम सञ्चालन गरिएको थियो । तालिममा १२ पुरुष र २७ महिला गरी ३९ जना स्थानीयले सहभागिता जनाएका थिए ।

बोर्डका प्रमुख कार्यकारी अधिकृत दीपकराज जोशीले स्थानीय तहमा पर्यटनसम्बन्धी सीप अभिवृद्धिका कार्यक्रमले समुदायमै रोजगारी सिर्जना गर्न सहयोग पु¥याउने बताए । उनले भने, “ठोरी जस्ता सम्भावनायुक्त क्षेत्रहरूमा होमस्टे संस्कृति विस्तार गर्नु नेपालको ग्रामीण पर्यटन विकासको मेरुदण्ड बन्नेछ ।”