जाडो याममा नेपाल आउने चराहरू कोशी, कर्णाली, नारायणी, राप्ती, फेवा ताल, जगदिशपुर ताल, घोडाघोडी ताल, बर्जु तालजस्ता ठुला नदी र पोखरीहरूमा बस्न रुचाउँछन्।

हरेक वर्ष जनवरी महिनामा देश वरपरका प्रमुख वासस्थानहरूमा बसाइँ सरेर आएका पानी चराहरूको गणना हुन्छ र लाखौँको सङ्ख्यामा अभिलेख गरिन्छ।

चखेवा, खोया हाँस, आसिढुँडे, ध्वाँसे फिस्टो, खड्खडे हाँस, सुइरोपुच्छ्रे आदि चराहरू ठूलो सङ्ख्यामा नेपाल आउँछन् भने श्वेतमाथा कलहाँस, देवदुत मनितुन्दक, देवहाँस जस्ता चरा निकै कम सङ्ख्यामा आउने गरेका छन्।