काठमाडौं। काठमाडौं उपत्यकामा जाडो सुरु भई सकेको छ । उपत्यकाको तापक्रम घट्दो क्रममा छ । दिनको समयमा पहारिलो घाम लाग्ने भएपनि बिहान र साँझको समय भने बाक्लो कपडा लगाउन पर्ने अवस्था सुरु भई सकेको छ ।

तापक्रम घटेसँगै काठमाडौंको टौदह क्षेत्र र ललितपुरको खोकना क्षेत्रको बागमती नदी क्षेत्रमा कुहिरो लाग्ने गरेको छ ।

नदीको सतह क्षेत्रमा लाग्ने यस्तो कुहिरो सूर्योदयसँगै बिस्तारै हराउने गर्दछ । कुहिरो लागेको समयमा मानिसहरू मर्निङवाक गर्ने,  किसानहरू तरकारी बारीमा काम गर्दै गरेका भेटिन्छन् ।