काठमाडौँ । पूर्व प्रधानामन्त्री समेत रहेका डा. बाबुराम भट्टराई, जनार्दन शर्मा र सन्तोष परियार नेतृत्वको प्रगतिशील लोकतान्त्रिक पार्टीको एकता घोषणासभा सुरु भएको छ । काठमाडौँको प्रदर्शनीमार्गस्थित राष्ट्रिय सभागृहमा सुरु गरिएको भेलाबाट प्रगतिशील लोकतान्त्रिक पार्टीको एकता घोषणा हुने भएको छ ।

नेपाल समाजवादी (नयाँ शक्ति) पार्टी, माओवादी त्यागेर प्रगतिशील लोकतान्त्रिक अभियान घोषणा गरेका जनार्दन शर्मा र राष्ट्रिय स्वतन्त्र पार्टी (रास्वपा) त्यागेका सन्तोष परियारबीच एकता गर्न तयारी गरिएको हो । पार्टीको नेतृत्व युवालाई सुम्पने तयारी छ । पार्टीको नेतृत्व सामूहिक हुने नेताहरूले बताएका छन् । उक्त पार्टीमा ७ सदस्यीय अध्यक्ष मण्डल रहने छ ।

जसमा परियार, माओवादीका तत्कालीन सांसद एवं पूर्वमन्त्री सुदन किराती, दुर्गा सोब, जेन–जी युवा एवं समावेशी प्रतिनिधित्व रहने छ । केही नेतासँग कुरा भइरहेकाले उनीहरूका लागि ठाउँ खाली राखिएको छ । प्रलोपाको केन्द्रीय सदस्यीय १५१ सदस्य प्रस्ताव गरिएको छ । डा. भट्टराई संरक्षक रहने साथै जनार्दन, राम कार्कीलगायतका नेता नीति परिषदमा रहने बताइएको छ ।