दमक। नेकपा एमालेले झापा क्षेत्र नं. ५ मा आफ्नो चुनावी अभियानलाई तीव्र बनाएको छ ।

पार्टीले टोलस्तरीय बैठक, भेला, निर्वाचन परिचालन समिति लगायतका समिति उपसमिति गठन लगायतका काम एकसाथ अघि बढाएको छ । एमालेका केन्द्रिय, प्रदेश स्तरका तथा स्थानीय नेताहरू मतदातासँग प्रत्यक्ष संवादमा जुट्दै विगतका उपलब्धि र आगामी योजनाबारे जानकारी गराइरहेका छन् ।यस्तै युवा, महिला र किसानलाई लक्षित कार्यक्रममार्फत समेत एमाले सघन रुपमा मतदातामाझ पुगिरहेको छ ।

यसै क्रममा कमल गाउँपालिकाको वडा नंं ६ मा निर्वाचन परिचालन समिति सहित विभिन्न समिति गठन गरिएको छ । बिहिबार खयरवारीमा आयोजित भेलाले पार्टीका नेता मोहिनी खनाल संयोजक र निलकण्ठ निरौला सहसंयोजक रहेको निर्वाचन परिचालन समिति गठन गरेको हो । समितिको सचिवमा वडा कमिटी अध्यक्ष युवराज पाठक रहनु भएको छ ।

यसैगरी देवेन्द्र पराजुलीको संयोजकत्वमा युवा, सुजिता गुरागाईंको संयोजकत्वमा महिला, टंक सापकोटाको अध्यक्षमा ज्येष्ठ र खोमनाथ निरौलाको संयोजकत्वमा बुद्धिजिवी परिचालन समिति समिति गठन गरिएको पार्टीका जिल्ला कमिटी सदस्य तथा वडा ईन्चार्ज दिपक खड्काले जानकारी दिनुभयो । पालिका भरी नै टोल तथा वडा समितिहरु गठन भइरहेको गाउँकमिटी अध्यक्ष हरी ढकालले बताए ।

खयरबारीमा आयोजित बिस्तारित वडा भेला कार्यक्रममा प्रमुख अतिथी प्रदेश कमिटी सदस्य बेनुप्रसाद शिवाकोटी, मणि भण्डारी, जिल्ला उपाध्यक्ष शिव ढुंगेल लगायतका वक्ताले आगामी निर्वाचनले राष्ट्रियता पक्षधर र राष्ट्रविरोधीको कित्ता छिनोफानो गर्ने बताए । यो क्षेत्रबाट विगतदेखि नै नेकपा एमालेका अध्यक्ष केपी शर्मा ओलीले निर्वाचन जित्दै आएका छन् । फागुन २१ को निर्वाचनमा पनि एमालेको जीत सहज रहेको यहाँका मतदाताले बताएका छन् ।

यसपटक रास्वपाका वरिष्ठ नेता तथा काठमाडौं महानगरपालिकाका निवर्तमान मेयर बालेन्द्र शाह