काठमाडौं । झापा-५  मा नेपाली कम्युनिस्ट पार्टी (नेकपा)ले कसैसँग तालमेल नगर्ने प्रष्ट पारेकाे छ । संयोजक पुष्पकमल दाहाल प्रचण्डले  बिहीबार झापा–५ का उम्मेदवार रन्जित तामाङलाई टेलिफोन सम्पर्क गर्दै उनले सामाजिक सञ्जालमा फैलिएको अफवाहलाई नपत्याई सक्रिय भएर लाग्न समेत आग्रह गरे ।

नेता तामाङले अध्यक्ष प्रचण्डसँग टेलिफाेन कुराकानी गरेकाे र बजारमा हल्ला आएजस्ताे कहीँ पनि तालमेल नहुने बताएकाे जानकारी दिए ।

प्रचण्डले सक्रिय भएर खटिन पनि पार्टी पंक्तिलाई आग्रह गरेको उनकाे भनाइ छ । उनले बुधबार काठमाडौंमा बुद्धिजिवीहरूसँगको छलफलमा विदेशी शक्तिहरूलाई परास्त गर्नका लागि कांग्रेस, एमाले, नेकपा जस्ता शक्तिहरू एकजुट हुनुपर्ने बताएका थिए ।

यही अभिव्यक्तिपछि झापा–५, दाङ–२ लगायतका क्षेत्रमा कांग्रेस–एमालेसँग मिल्न लागेको टिप्पणी भएपछि प्रचण्डले तामाङलाई फोन गरेका हुन् ।