भक्तपुर। भक्तपुर जिल्लाका दुई निर्वाचन क्षेत्रमा दिउँसो १३ः५० बजेसम्म कुल ९१ हजारभन्दा बढी मत खसेको छ । निर्वाचन क्षेत्र नम्बर १ मा ३ बजेसम्म ४५ हजार ३५८ मत खसेको छ । जसमा महिला मतदाता २२ हजार ५७ र पुरुष मतदाता २३ हजार ३०१ रहेका छन् ।

त्यस्तै, निर्वाचन क्षेत्र नम्बर २ मा ४६ हजार ५६५ मत खसेको छ । यस क्षेत्रमा महिला मतदाता २२ हजार ७१९ र पुरुष मतदाता २३ हजार ८४६ रहेका छन् । मतदान शान्तिपूर्ण रुपमा जारी रहेको जिल्ला निर्वाचन कार्यालयले जनाएको छ ।