पोखरा। फेवाताल संरक्षण अभियान चलिरहेका बेला पोखरा महानगरपालिका-२२ सिम्ले क्षेत्रमा गृहमन्त्री सुधन गुरुङले लिजमा लिएको भनिएको जग्गा अहिले चर्चामा आएको छ। सो स्थानमा निर्माण गरिएको संरचना हाल प्रयोगविहीन अवस्थामा रहेको देखिएको हो ।

संरचनामा ताल्चा लगाइएको छ भने वरपर झाडीले ढाकिएको छ। स्थानीयका अनुसार उक्त जग्गा फेवातालको मापदण्डभित्र पर्ने देखिन्छ, जहाँ पोखरा महानगरपालिकाले हालै सीमा स्तम्भसमेत गाडेको छ।

यसैबीच, महानगरपालिकाले फेवाताल आसपास बनाइएका टहरा हटाउने अभियानअन्तर्गत शनिबार बिहानदेखि डोजर प्रयोग गरेर संरचना हटाउने काम सुरु गरेको थियो।

यसै सन्दर्भमा गृहमन्त्री गुरुङले उक्त जग्गाबारे प्रतिक्रिया दिँदै आफू ठगिएको दाबी गरेका छन् र कानुनी प्रक्रियामा जाने बताएका छन्।

तस्वीरहरु: