काठमाडौं । गृहमन्त्री सुधन गुरुङ ले पनि आफ्नो सम्पत्ति विवरण सार्वजनिक गरेका छन्। 

आइतबार साँझ सार्वजनिक गरिएको विवरण अनुसार गुरुङको नाममा कुल ४ करोड ३१ लाख ५६ हजार २ सय रुपैयाँ बराबरको शेयर रहेको छ, जसमा २ करोड ७४ लाख ५६ हजार २ सय रुपैयाँ धितोपत्र बजारमा कारोबार हुने शेयरमा लगानी गरिएको उल्लेख छ। व्यक्तिगत सम्पत्तिअन्तर्गत उनको नाममा धनकुटामा १९ रोपनी १५ आना जग्गा रहेको छ।

त्यसैगरी पारिवारिक सम्पत्तिमा उनका पिता दिलबहादुर गुरुङको नाममा चितवनमा ३० कठ्ठा जग्गा तथा बाजे रामसल गुरुङको नाममा गोरखाको चुमनुब्री क्षेत्रमा २२१ रोपनी जग्गा रहेको विवरणमा उल्लेख गरिएको छ। बैंक मौज्दाततर्फ लक्ष्मी सनराइज बैंकमा ५ लाख ३५ हजार रुपैयाँ र नबिल बैंकमा ५६ लाख २५ हजार रुपैयाँ रहेको छ। 

साथै, उनको नाममा ८९ तोला सुन र करिब ६ किलो चाँदी रहेको पनि विवरणमा जनाइएको छ।