काठमाडौं । बालेन्द्र शाह नेतृत्वको सरकारका मन्त्रीहरू ठूलो परिमाणमा सुन–चाँदीका मालिक देखिएका छन्। आज सार्वजनिक गरिएको सम्पत्ति विवरण अनुसार प्रधानमन्त्री बालेन्द्र शाह ले आफ्नो पत्नी सविना काफ्लेको पैतृक सम्पत्तिका रूपमा १८० तोला सुन–चाँदी देखाएका छन्। समग्रमा हेर्दा मन्त्रीहरूको साथमा जम्मा ७८७ तोला सुन रहेको विवरण सार्वजनिक भएको छ।

उद्योग, वाणिज्य तथा आपूर्तिमन्त्री गौरी कुमारीसँग १८० तोला सुन रहेको छ, जुन उनले रुसमा व्यापार गर्ने क्रममा आर्जन गरेको बताएकी छन्। गृहमन्त्री सुधन गुरुङसँग ८९ तोला, श्रम, रोजगार तथा सामाजिक सुरक्षामन्त्री रामजी यादवसँग ८० तोला, र अर्थमन्त्री स्वर्णिम वाग्लेसँग ४५ तोला सुन रहेको विवरणमा उल्लेख छ।

त्यस्तै परराष्ट्रमन्त्री शिशिर खनालसँग २२ तोला, भौतिक पूर्वाधार तथा यातायातमन्त्री सुनिल लम्साल र स्वास्थ्य तथा जनसँख्या मन्त्री निशा मेहेतासँग ३०–३० तोला सुन रहेको पाइएको छ। संघीय मामिला तथा सामान्य प्रशासनमन्त्री प्रतिभा रावल तथा शिक्षा, विज्ञान तथा प्रविधिमन्त्री सस्मित पोखरेलसँग २५–२५ तोला सुन रहेको छ।

महिला, बालबालिका तथा जेष्ठ नागरिकमन्त्री सीता बादीसँग १८ तोला, ऊर्जा, जलस्रोत तथा सिँचाइ मन्त्री विराजभक्त श्रेष्ठ र कानुन, न्याय तथा संसदीय मामिलामन्त्री सोविता गौतमसँग १५–१५ तोला सुन रहेको छ।

संस्कृति, पर्यटन तथा नागरिक उड्डयनमन्त्री खडकराज पौडेलसँग ११ तोला, सञ्चार तथा सूचना प्रविधिमन्त्री विक्रम तिमिल्सिनासँग करिब ७ तोला, र कृषि तथा पशुपन्छी विकासमन्त्री गीता चौधरीसँग ५ तोला सुन मौज्दात रहेको खुलेको छ।

कससँग कति सुन ?

• बालेन शाह – १९० तोला

• गौरी कुमारी – १८० तोला

• सुधन गुरुङ – ८९ तोला

• रामजी यादव – ८० तोला

• स्वर्णिम वाग्ले – ४५ तोला

• सुनिल लम्साल – ३० तोला

• निशा मेहेता – ३० तोला

• प्रतिभा रावल – २५ तोला

• सस्मित पोखरेल – २५ तोला

• शिशिर खनाल – २२ तोला

• सीता बादी – १८ तोला

• विराजभक्त श्रेष्ठ – १५ तोला

• सोविता गौतम – १५ तोला

• खडकराज पौडेल – ११ तोला

• विक्रम तिमिल्सिना – करिब ७ तोला
• गीता चौधरी – ५ तोला