झापा। झापाको शिवसताक्षी नगरपालिका-३ स्थित भोटे पुलमुनि नवजात शिशुको शव फेला परेको छ।

जिल्ला प्रहरी कार्यालय झापाका अनुसार बुधबार राति नवजात शिशुको शव फेला परेको हो। स्थानीयले जानकारी गराएलगत्तै प्रहरी चौकी धरमपुरबाट खटिएको टोली घटनास्थलमा पुगेको थियो।

प्रहरीले आवश्यक कानुनी प्रक्रिया पूरा गरी शवलाई पोस्टमार्टमका लागि बिपी कोइराला स्वास्थ्य विज्ञान प्रतिष्ठान, धरान पठाएको जनाएको छ।

घटनाको अनुसन्धानका क्रममा प्रहरीले एक जनालाई नियन्त्रणमा लिएको छ। यसबारे थप अनुसन्धान भइरहेको प्रहरीले जनाएको छ।