काठमाडौं। सरकारले अस्पताल तथा स्वास्थ्य संस्थाहरूमा पनि साताको दुई दिन सार्वजनिक बिदा दिने निर्णय गरेको छ।स्वास्थ्य क्षेत्रमा क्रियाशील पेशागत संगठनहरुको चर्को दवाब पछि सरकारले सरकारी स्वामित्वको अस्पताल र स्वास्थ्य संस्थामा पनि सातामा दुई दिन सार्वजनिक विदा दिने निर्णय गरेको हो ।

सरकारको यो निर्णयसँग अब देशभरका सरकारी अस्पताल र स्वास्थ्य संस्थाहरुमा आकस्मिक तथा अन्तरंग सेवा बाहेकका ओपीडी भने बन्द रहने छ ।

स्वास्थ्यमन्त्री निशा मेहता, स्वास्थ्य सचिव डा.विकास देवकोटा र पेसागत संगठनका प्रतिनिधिबीच छलफल भएपछि सरकारले स्वास्थ्य संस्था र अस्पतालहरुको मामलामा पनि लचकता अपनाएर हप्तामा दुई दिन नै सार्वजनिक विदा दिने निर्णय गरेको हो ।