अछाम। कर्णाली नदी मा डुंगा पल्टिँदा बुबा-छोरा बेपत्ता भएका छन्।

अछामको तुर्माखाँद गाउँपालिका-३, भैरवस्थानस्थित कर्णाली नदीमा डुंगा पल्टँदा दुई जना बेपत्ता भएका हुन्।

बेपत्ता हुनेमा तुर्माखाँद-३, बल्देका ३५ वर्षीय पहलसिंह बुढा र उनका १३ वर्षीय छोरा नरि बुढा रहेका छन्।

बिहीबार साँझ कर्णालीपारि पञ्चपुरी नगरपालिका-७ स्थित वनबाट घाँस काटेर फर्किने क्रममा डुंगा अचानक पल्टिएको बताइएको छ।

जिल्ला प्रहरी कार्यालय अछामका प्रमुख प्रहरी नायब उपरीक्षक ओमप्रकाश खनालका अनुसार बेपत्ताको खोजीका लागि विपद् उद्धार तालिमप्राप्त टोली घटनास्थलतर्फ पठाइएको छ।