काठमाडौं । रोल्पाको जलजलामा २० जनाको लास भिरबाट सडकसम्म निकाल्न २० घण्टा लागेको छ । जिप खसेको स्थान अत्यन्त अप्ठेरो ठाउँ भएकाले सुरक्षाकर्मीले पहिले पैदल बाटो खोलेपछि डोरीको सहायताले सबै शव
सडकमा निकालेका छन्।

विकट भूगोल, भिरालो र खोंच क्षेत्र, कमजोर सञ्चार पहुँच जस्ता कारणले उद्धार कार्यमा ढिलाइ भएको प्रहरीले जनाएको छ ।
आज बिहान उज्यालो हुनेबित्तिकै उद्धार टोली डोरीको सहायताले बाटो बनाउँदै तल झरेका थिए। ‘एक–एक शव बोकेर माथि ल्याउनुपरेको कारण शुक्रबार दिउँसो झण्डै १२ बजेमात्र उद्धार कार्य सकिएको प्रहरीले जनाएको छ ।

बिहीबार दिउँसो भएको दुर्घटनामा चालक सहित २० जनाको मृत्यु भएको छ भने एक जना घाइते भएका थिए। चालकको भने अवस्था अज्ञात छ ।

मृतकमध्ये ४ बालक, ४ पुरुष र १२ महिला रहेका पुष्टि भए पनि उनीहरू कसैको पनि पहिचान खुल्न सकेको छैन।

रुकुमकोटबाट जलजलातर्फ एकै समयमा २–३ वटा गाडी गएका थिए। कुन गाडीमा को–को चढेका थिए भन्ने स्पष्ट नहुँदा सनाखतमा कठिनाइ भएको प्रहरीले जनाएको छ।