काठमाडौं । सरकारले दोस्रो चरणअन्तर्गत सुकुमबासी तथा नदी किनार आसपासका बस्तीमा डोजर चलाउने अभियानलाई शनिबार पनि निरन्तरता दिएको छ।

शनिवार स्वयम्भू तथा बालाजु क्षेत्रका अतिक्रमित बस्तीमा डोजर चलाइएको हो।

यसअघि शुक्रबार टेकु, शंखमुख, बल्खु र बंशीघाट क्षेत्रका सुकुमबासी बस्ती हटाइएको थियो।

यसअघि पहिलो चरणमा सरकारले थापाथली र गैरीगाउँ लगायत क्षेत्रमा रहेका बस्ती हटाइसकेको छ।

सरकारले नदी किनार र सार्वजनिक जग्गा अतिक्रमण हटाउने अभियानलाई चरणबद्ध रूपमा अगाडि बढाउँदै आएको जनाएको छ।