काठमाडौं । सर्वोच्च अदालतले प्रहरी हिरासतमा रहेका व्यवसायी दीपक भट्टलाई अदालतमा उपस्थित गराउन आदेश दिएको छ।

भट्टकी पत्नी आयुस्मा नेपालले दायर गरेको बन्दी प्रत्यक्षीकरणसम्बन्धी रिटमा न्यायाधीश अब्दुल अजीज मुसलमानको एकल इजलासले उक्त आदेश जारी गरेको हो।

रिटमा प्रारम्भिक सुनुवाइ गर्दै सर्वोच्चले कारण देखाउने आदेशसँगै भट्टलाई अदालतमा प्रस्तुत गराउन निर्देशन दिएको छ।

भट्टलाई चैत १९ गते सम्पत्ति शुद्धीकरणसम्बन्धी आरोपमा प्रहरीले पक्राउ गरेको थियो।