एजेन्सी । अमेरिकी सेनाले गरेको कार्गो डुङ्गा आक्रमणमा पाँच जना सर्वसाधारणको मृत्यु भएको इरानको तस्निम समाचार एजेन्सीले मङ्गलबार जनाएको छ।

समाचार अनुसार अमेरिकी सेनाले छ वटा इरानी डुङ्गाहरूलाई लक्षित गरी आक्रमण गरेको दाबी गरिएको छ। तर इरानले आफ्ना कुनै पनि लडाकू जहाज प्रभावित नभएको जनाएको छ।

ओमानको तट नजिक खसाबबाट इरानतर्फ जाँदै गरेका दुई वटा कार्गो डुङ्गामा आक्रमण हुँदा डुङ्गामा सवार पाँच जना सर्वसाधारण यात्रुको मृत्यु भएको रिपोर्टमा उल्लेख छ।

अमेरिकी सेनाका कमाण्ड प्रमुख ब्राड कूपरका अनुसार स्ट्रेट अफ होर्मुज क्षेत्रमा छ वटा इरानी डुङ्गा डुबाइएको दाबी गरिएको छ। उनले अमेरिकी हेलिकप्टरमार्फत कारबाही गरिएको पनि बताएका छन्।

घटनाबारे दुबै पक्षका दाबी फरक–फरक रहेका कारण वास्तविक विवरण अझै स्पष्ट हुन बाँकी रहेको जनाइएको छ।