काठमाडौं। राष्ट्रिय स्वतन्त्र पार्टी (रास्वपा) संसदीय दलका उपनेता गणेश पराजुलीको दुईवटा असंसदीय शब्द अभिलेखबाट हटाइएको छ ।

उनले २९ वैशाखको बैठकमा प्रयोग गरेका ‘भरौटेहरू’ र ‘लुगा लगाए पनि नांगै हिँडेकाहरू’ भन्ने शब्द संसदको अभिलेखबाट हटाउन सभामुख डीपी अर्यालले निर्देशन दिए ।

उनले असंसदीय शब्द प्रयोग गरेको भन्दै एमाले प्रमुख सचेतक ऐन महरले ३० वैशाखको प्रतिनिधिसभा बैठकमा नियमापत्ति जनाएका थिए ।

भोलिपल्ट सभामुख अर्यालले रास्वपा संसदीय दलका उपनेता पराजुलीको असंसदीय शब्द हटाउन निर्देशन दिएका हुन् ।