काठमाडौं । नेकपा एमालेले शनिबार सचिवालय बैठक बोलाएको छ ।

अध्यक्ष केपी शर्मा ओलीको सचिवालयले बैठक बोलाइएको जानकारी दिएको हो ।

पार्टी सचिव भानुभक्त ढकालले बैठक बस्ने निश्चित भए पनि स्थान भने तय भइनसकेको बताए ।

उनले भने, ‘अध्यक्षको स्वास्थ्य बाहिर निस्कन मिल्ने, नमिल्ने कुरापछि बैठकस्थल निर्धारण गरिने छ ।’

ओली पक्राउ परेपछि रामबहादुर थापा ‘बादल’ ले एमालेको कार्यवाहक नेतृत्व सम्हालिरहेका छन् ।

एमालेले हालसम्म चुनावको औपचारिक समीक्षा गरेको छैन । तल्ला कमिटीहरूको समीक्षा सकेपछि केन्द्रले समीक्षा गर्ने तयारी रहेको जनाइएको छ ।

पित्तथैलीको शल्यक्रियापछि आराम गरिरहेका ओली गुण्डुमा भेटघाटलगायत गतिविधिमा सक्रिय भए पनि पार्टीका औपचारिक कार्यक्रममा भने सहभागी भएका छैनन् ।