काठमाडौं। खाद्य प्रविधि तथा गुण नियन्त्रण विभाग ले यशोधा फुड्स प्रालि द्वारा उत्पादित दुई ब्रान्डका खाद्य पदार्थ तत्काल बजारबाट फिर्ता गर्न आदेश दिएको छ ।

विभागका अनुसार १०० ग्रामको करेन्ट नुडल्स र ५० ग्रामको लाली चाउचाउ मा सरकारले तोकेको अनिवार्य गुणस्तर मापदण्डअनुसार ‘एक्स्ट्र्याक्टेड फ्याटको एसिड भ्यालु’ नपाइएको पाइएको हो ।

त्यस्तै एसियन बिस्कुट एण्ड कन्फेक्सनरी प्रालि द्वारा उत्पादित ज्याकन्याक क्रेकर्स बिस्कुट पनि गुणस्तरहीन भेटिएपछि बजारबाट फिर्ता गर्न विभागले निर्देशन दिएको जनाएको छ ।