काठमाडौं । नेपाल प्रहरीले प्रधानमन्त्री राहत कोषमा ४० करोड रुपैयाँ जम्मा गर्ने निर्णय गरेको छ।प्रहरी महानिरीक्षक दानबहादुर कार्कीको अध्यक्षतामा बुधबार बसेको नीति निर्माण समितिको बैठकले बाढीमा ज्यान गुमाएका प्रहरीका परिवारलाई तत्काल प्रतिपरिवार १० लाख रुपैयाँ उपलब्ध गराउने निर्णय गरेको हो।

बाढीमा २८ प्रहरी सम्पर्कविहीन भएकोमा हालसम्म तीन जनाको शव फेला परेको छ। बेपत्ता प्रहरीको खोजीका लागि विशेषज्ञसहितको टोली परिचालन गर्ने निर्णय पनि गरिएको छ।दिवंगत प्रहरीका परिवारले लिएको विशेष सापटी मिनाहा गर्ने, परिवारका एक सदस्यलाई सीपमूलक तालिम तथा रोजगारीमा पहल गर्ने र सन्ततिलाई शैक्षिक शुल्क मिनाहासहित अध्ययनको व्यवस्था मिलाउने निर्णयसमेत भएको छ।