काठमाडौं। एक वर्षअघि आगजनीमा ध्वस्त भएको बालकोटस्थित घरको भग्नावशेष अहिले एउटा पुस्तकको कथासँग जोडिएको छ।

राधिका शाक्यले त्यही घरको प्रांगणमा बुधबार आफ्नो पुस्तक ‘स्मृतिमा बालकोट घर, सपनाको भग्नावशेष’ सार्वजनिक गरेकी छन्।

घर निर्माण गर्दाका संघर्षदेखि त्यससँग जोडिएका व्यक्तिगत स्मृति र विभिन्न किस्सालाई शाक्यले पुस्तकमा समेटेकी छन्।

जेनजी आन्दोलनका क्रममा भएको आगजनीबाट घर ध्वस्त भएपछि आफूले भोगेको अनुभूति र त्यस घटनाले पारेको प्रभाव पनि पुस्तकमा समावेश गरिएको छ।

पुस्तक सार्वजनिक गर्ने ठाउँ पनि सामान्य थिएन। आफूले वर्षौं बिताएको घर अहिले भग्नावशेषमा परिणत भएको अवस्थामा त्यही प्रांगणमा पुस्तक सार्वजनिक गर्दै शाक्यले घरसँग जोडिएका पुराना सम्झना र पछिल्लो घटनालाई एकै ठाउँमा उभ्याएकी हुन्।

पुस्तकमा घर केवल भौतिक संरचनाका रूपमा नभई परिवारका सम्झना, संघर्ष र सपनासँग जोडिएको एउटा भावनात्मक थलोका रूपमा प्रस्तुत गरिएको छ।

आगलागीपछि घर गुमे पनि त्यससँग जोडिएका स्मृति भने बाँकी रहेको सन्देश पुस्तकले दिन खोजेको छ।

जेनजी आन्दोलनका क्रममा बालकोटस्थित घरमा भएको आगजनी र त्यसपछि बनेको भग्नावशेष पुस्तकको कथाको महत्वपूर्ण पाटो बनेको छ।

त्यसैले पुस्तक सार्वजनिक गर्ने अवसर पनि शाक्यका लागि विगत सम्झने र आफूले भोगेको घटनालाई शब्दमा उतार्ने क्षण बनेको छ।

तस्बिर : नेपाल फोटो लाइब्रेरी