काठमाडौं । प्रतिपक्षी दलहरूको बैठकमा चारवटा प्रस्तावमाथि छलफल हुने भएको छ ।

कांग्रेस संसदीय दलको कार्यालयमा बस्न लागेको बैठकमा भोटेकोशी–त्रिशूली नदी प्रणालीमा आएको प्रलयकारी बाढी, सर्वदलीय बैठकका निर्णय र कार्यान्वयन प्रक्रिया, सरकारले गठन गरेका पछिल्ला समितिहरूको कार्यसम्पादन र समसामयिक घटनाक्रमबारे छलफल हुने भएको हो ।

प्रतिपक्षी दलहरूको बैठक कांग्रेस संसदीय दलका नेता भीष्मराज आङ्देम्बेले बोलाएका हुन् ।