काठमाडौं । झापाका सबै स्थानीय तहमा आजदेखि जापानिज इन्सेफलाइटिसविरुद्ध विशेष खोप अभियान सुरु गरिएको छ।

अभियानअन्तर्गत ३० वर्ष वा सोभन्दा माथिका नागरिक तथा स्वास्थ्यकर्मीलाई जापानिज इन्सेफलाइटिसविरुद्धको खोप लगाइनेछ।

स्वास्थ्य तथा खाद्य स्वच्छता मन्त्रालयका अनुसार झापामा हालसम्म जापानिज इन्सेफलाइटिसबाट १३ जना संक्रमित भएका छन् भने ७ जनाको मृत्यु भएको हाे। 

त्यस्तै, अभियानका लागि जिल्लामा ४ लाख ८५ हजार जनालाई लक्षित समूहमा राखिएको छ।

मन्त्रालयले लक्षित समूहका सबैलाई नजिकको स्वास्थ्य संस्था वा तोकिएको खोप केन्द्रमा पुगेर खोप लगाउन आग्रह गरेको छ।

साथै, जापानिज इन्सेफलाइटिसबाट बच्न लामखुट्टेको टोकाइबाट जोगिन झुलको प्रयोग गर्ने, शरीर ढाक्ने कपडा लगाउने तथा घरवरिपरि पानी जम्न नदिने जस्ता सावधानी अपनाउन पनि मन्त्रालयले अनुरोध गरेको छ।