काठमाडौं। भारतीय स्ट्यान्डअप कमेडीमा चर्चित नाम शारोन वर्मा पहिलोपटक नेपाल आइपुगेकी छन्।

नेपाल आएलगत्तै नेपाली ढाकाटोपी लगाएर फूलको गुच्छासहित उनको स्वागत गरिएको छ।

वर्माले आइतबार काठमाडौंको कमलादीस्थित नेपाल प्रज्ञा–प्रतिष्ठानको सभाहलमा ‘शारोन वर्मा लाइभ’ प्रस्तुति दिनेछिन्। पिनाकल इन्टरटेनमेन्टको आयोजनामा हुने कार्यक्रम अपराह्न ४ः३० बजे सुरु हुनेछ।

आत्मव्यंग्यात्मक शैलीमा कमेडी प्रस्तुत गर्ने वर्मा भारतको चर्चित कार्यक्रम ‘इन्डियाज गट लेटेन्ट’मा प्रस्तुति दिएपछि थप चर्चामा आएकी हुन्।

नेपालमा उनको यो पहिलो प्रत्यक्ष स्ट्यान्डअप प्रस्तुति हो। नेपाल आइपुगेपछि सामाजिक सञ्जालमा समेत उनको स्वागतका तस्बिर सार्वजनिक भएका छन्।