काठमाडौं । ललितपुर महानगरपालिका-२४ धापाखेलमा लगातारको वर्षाका कारण मंगलबार बिहान साढे दुई तले घर ढलेको छ।

घर जोखिममा देखिएपछि सोमबार नै परिवारका तीनै सदस्यलाई सुरक्षित स्थानमा सारिएकाले मानवीय क्षति हुन पाएन।

वडा कार्यालय नजिकै भिरालो जमिनमा बनेको सोवितकुमार थापाको घर बिहान ६ः३५ बजे पल्टिएको जिल्ला प्रहरी परिसर ललितपुरका प्रवक्ता गौतम मिश्रले जानकारी दिए।

साथै, तीन आना जग्गामा बनेको घर लगातारको वर्षाले जमिन गलेपछि ढलेको प्रहरीले जनाएको छ।