काठमाडौं । पछिल्लो २४ घण्टामा देशभर भएका सवारी दुर्घटनामा ७ जनाको मृत्यु भएको छ भने १४१ जना घाइते भएका छन् ।

नेपाल प्रहरीका अनुसार असोज १२ गतेको पछिल्लो २४ घण्टाको विवरणअनुसार सबैभन्दा बढी मानवीय क्षति कोशी प्रदेशमा भएको छ । कोशीमा सवारी दुर्घटनामा ३ जनाको मृत्यु भएको छ भने २८ जना घाइते भएका छन् ।

मधेश प्रदेशमा २ जनाको मृत्यु तथा ३१ जना घाइते भएका छन् । गण्डकी प्रदेशमा १ जनाको मृत्यु र १० जना घाइते भएका छन् भने बागमती प्रदेशमा १ जनाको मृत्यु र १ जना घाइते भएका छन् ।

यस्तै, काठमाडौं उपत्यकामा सवारी दुर्घटनामा ३४ जना घाइते भएका छन् । लुम्बिनी प्रदेशमा २६ जना, सुदूरपश्चिम प्रदेशमा ८ जना र कर्णाली प्रदेशमा ३ जना घाइते भएको विवरणमा उल्लेख छ । यी प्रदेशमा भने मानवीय मृत्यु भएको छैन ।

यसअनुसार २४ घण्टाको अवधिमा सवारी दुर्घटनाबाट मृत्यु हुनेको संख्या ७ र घाइते हुनेको संख्या १४१ पुगेको छ ।