काठमाडौं।बुढीगण्डकी नदीमा बाढी खतरा तहभन्दा माथि पुगेपछि बाढी पूर्वानुमान महाशाखाले चितवन र नवलपरासी आसपासका स्थानीयलाई समेत सतर्क रहन आग्रह गरेको छ।

महाशाखाका अनुसार नदीको जलसतह बढ्ने र घट्ने क्रम जारी रहेकाले जोखिम कायमै छ। त्रिशूली नदीको बेनिघाटसम्म बाढीको अति उच्च जोखिम रहेकाले स्थानीयलाई सुरक्षित उच्च स्थानमा जान आग्रह गरिएको छ।

त्यस्तै, मुग्लिनसम्म उच्च जोखिम रहेकाले उच्च सतर्कता अपनाउन महाशाखाले अनुरोध गरेको छ।

चितवन र नवलपरासीका नदी आसपासका क्षेत्रमा पनि बाढीको मध्यम जोखिम रहेकाले सतर्क रहन तथा आवश्यक सावधानी अपनाउन महाशाखाले आग्रह गरेको छ।