काठमाडौं । नेपाली कांग्रेसको १५औँ महाधिवेशनअन्तर्गत सहमहामन्त्री (खुला) पदको मतगणनामा रामहरि खतिवडाले आफ्नो अग्रता कायम राखेका छन् । २ हजार ८९ मत गणना हुँदा खतिवडा प्रतिस्पर्धीभन्दा निकै अगाडि देखिएका छन् ।

निर्वाचन समितिका अनुसार खतिवडालाई पछ्याइरहेका अजयबाबु सिवाकोटीले ६९२ मत पाएका छन् । डिल्लीराम सुवेदीले ५१९, देवेन्द्रराज कँडेलले ४१८, विकास कोइरालाले ३४९ र रमेशप्रसाद धमलाले २४७ मत प्राप्त गरेका छन् ।

त्यस्तै, अमृतकुमार अर्यालले २०९ र राजीव ढुङ्गानाले २०३ मत पाएका छन् । विमलराज क्षेत्री भने ७७ मतसहित सबैभन्दा पछाडि छन् ।

खुलातर्फ सहमहामन्त्री पदमा सबैभन्दा बढी मत ल्याउने दुई जना उम्मेदवार निर्वाचित हुनेछन् ।