काठमाडौं। त्रिपुरासुन्दरी गाउँपालिका–२ स्थित स्याउली बजारका बासिन्दा बाढीबाट जोगाउन सफल भएका घरायसी सामान सुरक्षित स्थानमा सार्न जुटेका छन्।

बाढीका कारण प्रभावित स्थानीयवासी घर छाड्न बाध्य भएका छन्। उनीहरू अहिले चुलिदेवी माध्यमिक विद्यालयमा आश्रय लिएर बसिरहेका छन्।

आफ्नो ज्यान जोगाउँदै बाढीबाट बचाउन सकिएका लत्ताकपडा, खाद्यान्न तथा अन्य आवश्यक सामग्री संकलन गरेर सुरक्षित स्थानमा पुर्‍याउने काममा स्थानीयवासी जुटिरहेका छन्। बाढीले घरमा क्षति पुर्‍याएपछि उनीहरूलाई दैनिक जीवनमा आवश्यक पर्ने सामग्री जोगाउनसमेत कठिन भएको छ।

घर छाड्न बाध्य भएका स्थानीयका लागि चुलिदेवी माध्यमिक विद्यालय अहिले अस्थायी आश्रयस्थल बनेको छ। त्यहाँ प्रभावित परिवारका लागि खाना र बासको व्यवस्था मिलाइएको छ।