काठमाडौं । २०औँ एसियन गेम्समा कांस्यपदक जित्न सफल नेपाली खेलाडी, प्रशिक्षक तथा व्यवस्थापकले सरकारबाट पुरस्कार रकम पाएका छन् ।

खेलकुद विकास नियमावलीअनुसार सरकारले करातेका तेञ्जिङ शर्मा र महिला कबड्डी टोलीका खेलाडीसहित प्रशिक्षक तथा व्यवस्थापकको बैंक खातामा पुरस्कार रकम जम्मा गरिदिएको हो ।

यसअघि असोज २३ गते बसेको मन्त्रिपरिषद् बैठकले पदक विजेता खेलाडीलाई पुरस्कार दिने निर्णय गरेको थियो । सोही निर्णयअनुसार कराते खेलाडी तेञ्जिङले ६ लाख ५० हजार रुपैयाँ, उनका प्रशिक्षक कुशल श्रेष्ठले एक लाख ३० हजार रुपैयाँ र व्यवस्थापक युवराज लामाले ६५ हजार रुपैयाँ पाएका छन् ।

त्यस्तै, महिला कबड्डी टोलीका प्रत्येक खेलाडीले जनही एक लाख ९५ हजार रुपैयाँ पुरस्कार पाएका छन् । टोलीकी मुख्य प्रशिक्षक पार्वती राईले एक लाख ३० हजार रुपैयाँ तथा सहायक प्रशिक्षक लोकबहादुर विष्ट र व्यवस्थापक शरद दर्शनाधारीले जनही ६५ हजार रुपैयाँ प्राप्त गरेका छन् ।

साथै, जापानको नायोगामा आयोजित २०औँ एसियन गेम्समा नेपालका तर्फबाट कराते खेलाडी तेञ्जिङ शर्मा र महिला कबड्डी टोलीले कांस्यपदक जितेका थिए ।