काठमाडौं । पेशागत उत्कृष्टता, नवप्रवर्तन र सांस्कृतिक तथा पर्यटन आदानप्रदानको अवसर प्रदान गर्ने हेतुले ‘इन्टरनेशनल एक्सिलेन्स अवार्ड २०२६ आयोजना हुने भएको छ ।
आगामी अंग्रेजी नयाँवर्षको अवसरमा जनवरी पहिलो साता कम्बोडियामा भव्य रूपमा आयोजना हुन लागेको हो । उक्त कार्यक्रम कम्बोडियामो जुवा सप्लाइज एण्ड मेन्टेनेन्स कम्पनी लिमिटेड (जेयसएम कम्बोडिया) द्वारा आयोजना हुने छ भने नेपालको सिजन मिडियाले कार्यक्तमको व्यवस्थापन गर्ने जिम्मेवारी पाएको छ ।
यो अवार्ड समारोहले कम्बोडियामा लगायत एसियन मुलुकका विभिन्न क्षेत्रमा सफल र सक्रिय उद्योगी, कलाकार, नवप्रवर्तन, पर्यटन, शिक्षा र स्वास्थ्यलगायत विभिन्न क्षेत्रका असाधारण योगदान दिएका व्यक्तित्व र संस्थाहरूलाई अवार्ड सम्मान प्रदान गर्नेछ । उक्त कार्यक्रममा नेपालबाट पनि सहभागीताको लागि आवेदन दिन सकिने आयोजक प्रमुख लियाङ बोपाले जानकारी दिए ।
कार्यक्रमले केवल अवार्ड वितरणसम्म सीमित नभई एसियन मुलुकका व्यवसायी, कलाकार, उद्यमी र नवप्रवर्तकहरूलाई नेटवर्किङ र अनुभव आदानप्रदानको प्लेटफर्म पनि प्रदान गर्नेछ । यस मार्फत नेपाल र कम्बोडियाबीचको द्विपक्षीय मित्रता, सांस्कृतिक कूटनीति र पर्यटन प्रवर्धनलाई थप बल मिल्ने अपेक्षा गरिएको छ ।
अवार्डमा प्रमुख अतिथिको रुपमा कम्बोडिया सरकारवाट प्रतिनिधिहरु सहभागी हुनेछ भने दुई देशका व्यवसायीहरु पनि सहभागी हुनेछन ।
उक्त कार्यक्रममा उद्यमी, व्यवसायिक नेतृत्वकर्ता, प्रशिक्षक, मिडिया व्यक्तित्व, स्वास्थ्य र सौन्दर्य विशेषज्ञ, पेशागत, शिक्षक लगायतका विभिन्न पेशागत क्षेत्रका व्यक्ति तथा सस्थालाई समावेश गर्ने गरिने कार्यक्रम व्यवस्थापक प्रदीपराज वन्तले बताए अवार्डको माध्यमबाट एसियन मुलुकभरका पेशागत र संस्थागत व्यक्तित्वहरूको योगदानलाई मान्यता दिने र अन्तर्राष्ट्रिय सहयोग तथा सांस्कृतिक आदानप्रदानलाई प्रवर्धन गर्ने उद्देश्य राखिएको छ । भने अन्य जानकारीको लागि नेपालका लागि कार्यक्रम साझेदारी सस्था सिजन मिडियामा सम्पर्क गर्न सकिनेछ ।
