काठमाडौं । नेपाली टेलिश्रृंखला ‘नैना’ चाँडै प्रदर्शन हुने भएको छ । विष्णु रिजालको लेखन र निर्देशन रहेको टेलिश्रृंखला विधुवा नारीको कथामा आधारित रहेको छ ।
श्रृंखलामा स्वनिका बाँस्तोला, खेम पाण्डे, रश्मी भट्ट, अस्मिता बस्नेत, सुरेश थापा (दर्शाने), बद्री पुडासैनी, विक्रम लामा, अनिता श्रेष्ठलगायत कलाकारहरुको अभिनय रहेको छ ।
खेम पण्डित निर्माता रहेको ‘नैना’ ले नेपाली समाजमा विधुवा नारीले भोग्नु पर्ने दुःख, पीडा र समाजले लगाउने विभिन्न खालका लाञ्छनालगायतका विविध पाटोलाई मार्मिक रुपमा प्रस्तुत गरिएको छ । ‘नैना’ टेलिश्रृंखलाले विधुवा नारीको दुःख पीडालाई समाजका पण्डित–पुरोहित वर्गले कसरी संरुक्षण दिइरहेका छन् भन्ने कुरा समेत रहेको लेखक–निर्देशक विष्णु रिजालले जानकारी दिए ।