काठमाडौं । नेकपा नेकपा एमालेको ११ औं महाधिवेशनमा नयाँ नेतृत्व चयनका लागि जारी मतदानमा ६ घण्टामा ६५० मत खसेको छ । मतदानका लागि ८० वटा मेशिन राखिएको छ । उत्साह साथ प्रतिनिधि मतदानमा सहभागी भए पनि मतदान प्रक्रियाले लामो समय लिएको हो । एमाले महाधिवेशनमा जम्मा २ हजार २ सय ६३ प्रतिनिधि छन् । मतदान गरेर फर्किएकाहरुले आफूलाई मतदान गर्न ३० मिनेट जति समय लागेको बताएका छन् ।
‘मतदान उत्साहका साथ भइरहेको छ । ८० वटै मेसिनमा प्रतिनिधिले मतदान गरिरहनु भएको छ’, सचिव लामाले सुनाए, ‘मतदान सकिँदा रातिको १० बज्न सक्छ ।’ केन्द्रीय निर्वाचन आयोगका सचिव डा.कुन्साङ लामाका अनुसार दिउँसो ३ बजेसम्ममा ६ सय ५० मतदान भएको हो । बिहान ९ बजेदेखि मतदान सुरु भएको थियो । चुनाबी प्रतिष्पर्धा अध्यक्ष केपी शर्मा ओली र वरिष्ठ उपाध्यक्ष ईश्वर पोखरेलको नेतृत्वमा दुई अलग–अलग प्यानल रहेका छन् ।